كتبت:أمل هيكل

شهدت قريه “الجوابر” مركز ميت سلسيل محافظة الدقهلية صراع بين عائلتين حيث تعدى إحدى الجيران على جارهم  الذى يبلغ من العمر 60 عاماً بالضرب  . واضافت ابنته قائله “ده أبويا الاستاذ / حسني نصر خالد كل الناس بتحلف بسيرته  و ليه أسمه اللي أشهر من نار علي علم وعيلتنا معروفة وبابا معروف بأدبه واخلاقه راجل كبير عنده 60 سنه يدخلوا عليه الشقيين( أحمد ومحمد وإبراهيم مجاهدالشبكي عبدلله) اللي مفروض أسمهم جيران بالشوم والسكاكين يضربوه ويبهدلوه بالمنظر ده عشان ايه؟”

واستضطردت قائله “عشان أخوهم أتخانق مع مرات عمي ونذع من علي وجهها النقاب في الشارع بابا رايح يشيلها منهم قاموا رموه في الأرض وداسوا علي بطنه كسروا ضلوعه راح عشان يعمل بلاغ ويثبت حالته في المحضر. راحوا ودفعوا فلوس في القسم ولغوا المحاضر وكتبوا فينا أحنا بلاغات كاذبة كيديه وأتهجموا علي بيوت العيله كلها يضربوا في الرجالة والحريم، عمي ف الطوارئ ومراته في المستشفي رأسها مافيهاش سنتي سليم كلها غرز، وأبويا زيها وكسروا علي جدتي المريضة المسنه شبابيك أوضتها ودخلوا عليها من الشبابيك عدوا من فوقها عشان يضربوا بابا؛ ليه عملنا فيكوا أيه حسبي الله ونعم الوكيل؟!
أنا بناشد سيادة وزير الداخليه أحنا متبهدلين ومهددين بالقتل ومش عارفين ناخد حقنا أنا عايزة حق أبويا.