كتبت:آيه خاطر
وحشتنى ..
تعالى مره واحده ضمنى
وحشتنى ..
عشان روحى سابتنى من يوم ما سيبتنى
فى بعدك ..
كل حاجه مالهاش وجود
وأنا هنا لسه فى مكانى لكن قلبي مش موجود
وحشتنى ..
عشان من غيرك يفرحنى يحسنى
صدقنى مفيش من يوم فراقك حاجه بقت تهمنى
من بعدك ..
جسمى بيرتعش وبحس الموت بيقرب منى بيهزنى
وقلبي بينزف بين ضلوعى وبيقولى مستحيل تكون كرهتنى
تعالى بس مره واحده ضمنى
قولى إنك لسه معايا لسه بتحبنى
تعالى بس مره واحده ضمنى
خلينى أعيش بأنفاسك ولو ثانيه لحضنك شدنى
ده أنا بتنفس بالعافيه من يوم ما ودعتنى
تعالى بس مره واحده ضمنى
تعالى خلى آخر لحظه فى حياتى فى حضنك وتبقى لو دقيقه عيشتنى
ده بعدك عنى غضب من ربي عليا وعقاب بيذلنى
بعدك هدنى
إرجع وحشتنى
